ការិយាល័យទីផ្សារកសិកម្ម ទទួលខុសត្រូវលើភារកិច្ចជាច្រើនដូចដែលបានពិពណ៌នា នៅក្នុងទំព័រប្រវត្តិនៃការិយាល័យនេះ។សកម្មភាពចម្បងៗ របស់ការិយាល័យនេះរួមមាន ការប្រមូលទិន្នន័យតម្លៃ និងការចែកចាយទិន្នន័យនេះ។ ការិយាល័យនេះ ក៏ទទួលខុសត្រូវលើការអភិវឌ្ឍសាលាទីផ្សារកសិករ រៀបចំសំភារៈបណ្តុះបណ្តាល និង ផ្តល់វគ្គបណ្តុះបណ្តាលផងដែរ។

សកម្មភាព របស់ការិយាល័យទីផ្សារកសិកម្ម រួមមាន ៖

• ប្រមូលព័ត៌មានតម្លៃលក់ដុំចំនួន៣ដង ក្នុងមួយសប្តាហ៍ ពីទីផ្សារចំនួន២២ និងពីកន្លែងប្រមូលផ្សេងៗទៀត។
• ប្រមូលព័ត៌មានតម្លៃលក់រាយ ចំនួន១ដង ក្នុងមួយសប្តាហ៍ ពីទីផ្សារសំខាន់ៗចំនួន ២២ និងពីកន្លែងប្រមូលផ្សេងៗទៀតនៅទូទាំងប្រទេសកម្ពុជា។
• ចេញផ្សាយព័ត៌មានតម្លៃប្រចាំថ្ងៃ តាមស្ថានីយ៍វិទ្យុ FM និង AM នៅក្នុងតំបន់។
• បោះពុម្ពព្រឹត្តិប័ត្រព័ត៌មានតម្លៃ ប្រចាំខែ សម្រាប់អ្នកបង្កើតគោលនយោបាយនៃរាជរដ្ឋាភិបាល។
• ប្រតិបត្តិការលើប្រព័ន្ធព័ត៌មានតម្លៃតាមសារអក្សរទូរស័ព្ទ សំរាប់ពាណិជ្ជករ និងផលិតករ។
• ធ្វើ របាយការណ៍តម្លៃ ប្រចាំខែ និងប្រចាំឆ្នាំ ក្នុងគោលបំណងបង្កើតផែនការ និង គោលនយោបាយ។
• ដំណើរការ សាលាទីផ្សារកសិករ សម្រាប់ផលិតករ។
• ជួបប្រជុំជាមួយពាណិជ្ជករលក់ដុំ។